مع راسي (قصيدة زجلية )

مع راسي (قصيدة زجلية )

بقلم: شعيب البطار

ياراسي طاوعني
وعلاش تجافيني
ياراسي طلق سراحي
ولا غير عافيني
الذات جمرة مزندة
والهروب منها ساكني
ياحضّار جاوبوني ماني
مجدوب ماني بوهالي
والروح برة جارا الخيط
والفراق ما هناني
والبرة تسارى فقفطان الذات
والتوب بالي
مرادها تخيطني براسي
ولا تخيط سروج
لابسها عود حران
وبين الغرزة والغرزة
ما لقيت حالي
الذات صابرة على ليام
ورافدة هبالي
أجي ياراسي
نساعفك وتساعفني
نجمعوا لمة
ويكون حالك هو حالي
علاش تخاصمني
و تجافيني ياراسي
واش نصبر ونزيد نقاسي
واش نكفي ولانزيد نواسي
يااهل المحبة ياحضار ياناسي
واش نحفر قبري بفاسي
لله لا تقيدو مقال
لاتلومو
راني غير مع راسي