منار الإسلام
موقع تربوي تعليمي أكاديمي

غَزَّة السُّنَّة (قصيدة زجلية)

غَزَّة السُّنَّة  (قصيدة زجلية)/عبد المولى الإسماعيلي

0

غَزَّة السُّنَّة (قصيدة زجلية)

بقلم: عبد المولى الإسماعيلي

 

كَثْرَتْ لَحْدَاثْ، وْقَلَّتْ الصَّابَــــة

رْجَعْ بِينَا، وْبِينْ السَّلَفْ ضْبَابَة

حَجْبَتْ سُنَّةْ، النْبِي وَالصَّحَابَـة

وَصْبَحْ لْمَسْلَمْ، يْعِيشْ فْكَآبَـــــة.

 

لَكِنْ غَزَّة، فَتْحَتْ بَوَّابَـــــــــــة

كَشْفَتْ لِيهُودْ، دُوكْ لْكَذَّابَــــــة

كَشْفَتْ لْعَالَمْ، وْقَانُونْ لْغَابَـــــة

كَشْفَتْ حُكَّامْ، كَشْفَتْ عِصَابَــة

 

كَشْفَتْ أَطْفَالْ، تَحْتَ الدَّبَّابَـــــة

كَشْفَتْ نِسَاءْ، بْآلَفْ إِصَابَــــــة

كَشْفَتْ شَهِيدْ، رَافَعْ سَبَّابَــــــة

كَشْفَتْ إِيمَانْ، صَبْرْ وْإِنَابَـــــة

 

كَشْفَتْ مُقَاوْمَة، لَّعْدُو رَهَّابَــة

كَشْفَتْ صُمُودْ، وَعْدَا هَرَّابَـــة

كَشْفَتْ قُرْآنْ، كَشْفَتْ رَحَابَـــة

كَشْفَتْ أَسِيرْ، يَشْكُرْ بَكْتَابَــــة

 

غَزَّة تَوْحِيدْ، حَقْ وْصَلَابَــــة

غَزَّة طُوفَانْ، غَرَّقْ ذْيَابَـــــة

غَزَّة جِهَادْ، مَاشِي حِرَابَــــة

غَزَّة سُنَّةْ النْبِي وَالصَّحَابَــة

غَزَّة سُنَّةْ النْبِي وَالصَّحَابَــة

اترك رد

لن يتم نشر عنوان بريدك الإلكتروني.