نهمس وما نخرس
سعيدة الظرفاوي
بالصلاة على نبينا نبدأ ونحرص
نبينا يا محمد.. اخوانك اليوم ماشي بحال الأمس
غزة علنات على عهد جديد تكسر فيه ابن صهيون وتهرس
غزة يا زينة السمية شحال تفدات فيك من روح وإرتقت الانفس
غزة ظلموها وبقى نورها ساطع من باب المغاربة الىالقدس
رغم الدمار والظلم والقتل الي مابغا يحبس
الحكومات العربية صابتها الغبينة وقطعات الحس
مابقا عندهم أحساس والحق والعروبة حفروا ليهم بالفأس
اش هاد الحال موتى ولا حايين اش هاد الحال الناعس
كلشي بان كلشي تكشف سقط قناع الديمقراطية وتنجس
انهارت الكرامة والمبادئ تباعت بالفلس
هاقد حان الانفجار واشتد صوت الاحرار وطوفان الاقصىكان بحال الشمس
صمود وسط الاهوال يسلب الاذهان
وعبرة تخاذ من القصص
كبري يا الغزاوية زفي الشهيد يا مدرسة عبر الأجيال تبني وتأسس
اختك المغربية معاك في الميدان تناهض الظلم والاستبداد وبيك تحس
تنادي بأعلى صوتها الجهاد النصر او الاستشهاد وفي الجنة تغرس
ناس غزة ياأخير ناس اصطفاكم الرحمان تكونوا لينا حماس مايتنكس
واش هادي قصيدة ولا تنهيدة قلت نهمس ومانخرس
