منار الإسلام
موقع تربوي تعليمي أكاديمي

يا الفقير (جزل مغربي)

محمد فاضيلي

0

يا الفقير ليك الله
هو عالم وعالي
حقك عندو في جواه
مضمون وغالي.
***
يا الفقير لا تخمم
لا تحزن ، لا تتغمم
ارم همك ونساه
وفكر في الآجال
***
يا الفقير ، راك في العين
سمعني ، وفهمني زوين
انتاي راك غير مسكين
ودريويش بحالي
***
قالوا العشرين تكفيك
وبإذن الله تغنيك
ربي غادي يحميك
ويجنبك ذل السؤال
***
يا الفقير ، راك غني
سمعني ، وفهم لي معاني
الغنى راه في النفوس
ولو قلت أموالي
***
يا الفقير..الله اغناك
بالإيمان رفعك واهداك
ومن صحبة الأخيار سقاك
باش تحسن في الأعمال
***
لي عطاك الله كثير
الصحة والعقل كبير
الله يجيب لك التيسير
ويبارك لك في العيال.

اترك رد

لن يتم نشر عنوان بريدك الإلكتروني.